Print
Email
0
0
በቺካጎ የኢትዮጵያ ኮሙኒቲ አዘጋጅነት የተከናወነው ለወገን ጸሎት መታሰቢያ እና የሻማ ማብራት ስነስርአት በደማቅ ሁኔታ ከፍተኛ ህዝብ በተገኘበት ተከናውⶈል ። በእንደዚህ ያለ ጊዜ ብቻም ሳይሆን ቀዳሚ ለሚሆኑ ነገሮች እና ለመልካም ጉዳዮችም ልንገናኝ ይገባናል የዛሬው መምጣታችሁ ሁላችንንም አስደስቶናል ሲሉ ፕረዚዳንቱ ተናግረዋል ።በመቀጠልም የኮሙኒቲው ዳይሬክተር የሆኑት ዶ/ር እርቁ ይመር የስደትን አስከፊነት እና ከዛሬ ፵ አመታት በፊት የነበሩ ኢትዮጵያኖች ከሃገራቸው ወጥተው ትምህርታቸውን ተከታትለው መመለስ እንጂ መቅረትን እንደማይፈልጉ ገልጸው ዛሬ ግን ከፍተኛው ቁጥር ያለው ከሰሃራ በታች ካሉት አገሮች መፈናቀሉ እና ወደ ሰው አገር በመጓዝ ህይወቱን ማጣቱ አላስፈላጊ ነው ለዚህም ደግሞ አስፈላጊውን ነገር በማድረግ መፍትሄ መፍጠር ይገባናል ሲሉ ጠቁመዋል ።
በምሽቱ ፕሮግራም ቁጥራቸው በዛ ያለ የተለያየ እምነት ተከታዮች እና በዜግነታቸው ኢትዮጵያዊነት ይሰማናል የኢትዮጵያ ህዝብ ሃዘን ሃዘናችን ነው ብለው ስሜታቸውን በጋራ ለመግለጽ የመጡት ህብረተሰብ በሲቃ እና በለቅሶ ሲራጩ ቆይተዋል ። የዛሬው የምሽት ፕሮግራም በሁለቱም ታላላቅ ሃይማኖት ተቋማቶች ያሉ ወይንም በአስተዳደር ቦታም የተቀመጡ ሰዎች የጋራ ሃሳቦቻቸውን የገለጹ ሲሆን በእስልምና ጉዳይ ላይ ያለውን ወንድማማችነት እና በጋራ ለዘመናት አብሮ የተጓዘ ወዳጅነታችንን በነዚህ አወሬዎች የሆኑ ምንም የእስልምና መንፈስ በሌላቸው ዜጎች ልንቃረን አይገባም ሲሉ ገልጸዋል ።
በተለይም ጆን የተባለው ወጣት ከተሰማው ስሜት እና በደሴ ወሎ አካባቢ በመወለዱ የሁለቱንም እምነት የሚጋራ ከመሆኑም በላይ ወንድሞቼንም ሆነ ዘመድ ወዳጆቼን እንዲሁም ሃገሬን ሲደፈር ዝም ብሎ ማየቱ ይከብደኛል እኛ እንደ እስልምና ተከታይነታችን እኛ፡የምኛመልኸው፡አምላክ፡እንዺሕ፡አያዸርግም፡ሲል እያለቀሰ ገልጾአል ።
በሌላም በኩል ከየመን የመጣች አንዲት ወጣት በየመንም ሆነ በሌሎች አረብ አገራት የኢቶጵያዊ መሞት ዛሬ የጀመረ አይደለም እንዲያውም ዛሬ በጅምላ መገደላችን እና ይፋ በአደባባይ ማውጣታቸው ሊሆን ይችላል እኛን ያሰባሰበን ሆኖም ግን በየመን የሚሞተው ህዝብ ቁጥር የትየለሌ ነው ፤ በጋለ ብረት ተወግቶ የሚሞተው ይበዛል፣ ወይንም ከፎቅ ይወረወራል አልያም ኩላሊቱን አውጥተው ይገሉታል፤ ታዲያ የእኛ ኢትዮጵያዊነት የት ይሆን የተከበረው ስትል የተሰበሰበውን ህዝብ በለቅሶ እንዲታደም አድርጋዋለች። ይህ በእንዲህ እንዳለ በምሽቱ የተለያየ የስነ ግጥም ምሽት ፕሮግራሞች ቀርበዋል 
የተለያዩ ሰዎች በመድረክ ላይ በመውጣት ሃዘናቸውን ለህዝቡ አካፍለዋል ። በዛሬው ምሽት የተደረገውንም ፕሮግራም እያመሰገንንም ሆነ ሌሎች ህዝቦቻችንን የምንረዳበት መድረክ ቢዘጋጅ የኢትዮጵያ ኮሙኒቲ በማንኛውም ነገሮች ላይ ሊተባበር እና ከማንኛውም የፖለቲካ ድርጅት ነጻ ሆኖ ህዝብን ሊያገለግል የተከፈተ ተቋም ስልሆነ ማንኛውም ኢትዮጵያዊ መጥቶ አስፈላጊውን አገልግሎት ማግኘት ይችላል ሲል ጥሪውንም አስተልፎአል። ማንኛውም ሰው ኮሙኒቲውን በቅርበት ሳያውቅ እና የሚሰራውን ስራ ሳይረዳ ከሚሰጠው አላስፈላጊ የፖለቲካዊ አጀንዳ ይልቅ ኮሙኒቲውን መጥቶ በማየት እና በቅርበት በጋራ በመስራት መለየት የሚቻል ሲሆን ማንኛውም ኢትዮጶያዊ በኢትዮጵያዊነቱ አገልግሎቱ ተካፋይ በመሆን ማግኘት የሚገባውን አግልግሎት ለመስጠትም ዝግጁዎች ከመሆናችንም በላይ የምንቀበለው በደስታ ነው በጋራም መስራት የሚገባንን ነገሮች አብረን ለመስራት ዝግጁ ነን ሲሉ ዶክተር እርቁ ይመር በንግግራቸው አክለው ገልጸዋል ። ማለዳ ታይምስ
Average Rating