የዞን ዘጠኙ ናትናኤል ፈለቀ እና ጸደቀ ድጋፌ ዳግም ለእስር ተዳረጉ ።

You are here: Home > Ethiopia > Current Article

የዞን ዘጠኙ ናትናኤል ፈለቀ እና ጸደቀ ድጋፌ ዳግም ለእስር ተዳረጉ ።

By maleda times / October 5, 2016 / Comments Off on የዞን ዘጠኙ ናትናኤል ፈለቀ እና ጸደቀ ድጋፌ ዳግም ለእስር ተዳረጉ ።

Read Time:34 Second

ዘገባው የማህሌት ፋንታሁን።
የዞን ዘጠኝ ጦማሪ ናትናኤል ፈለቀ (Natnail Feleke) ፣ ፀደቀ ድጋፌ (Tsedeke Digafie) እና አዲስአለም ደስታ በሁከት ማነሳሳት ወንጀል ተጠርጥረው በትላንትናው እለት ታስረዋል፡፡ ትላንት ከስራ ሰዓት በኋላ በላሊበላ ሬስቶራንት ተገናኝተው ሻይ ቡና እያሉ በሚጨዋወቱበት ወቅት ነው ከምሽቱ 1፡30 ላይ እዛው ሬስቶራንት በነበሩ ሲቪል የለበሱ የፓሊስ አባላት ተይዘው 6ኛ ፓሊስ ጣቢያ የታሰሩት፡፡ ዛሬ ጠዋት ላይ ሶስቱም ቄራ ፍርድ ቤት ቀርበው የነበረ ሲሆን የቀረበባቸው ክስ “ላሊበላ ሬስቶራንት ሆነው መንግስት በቢሾፍቱ የኢሬቻ አክባሪዎች ላይ የወሰደው እርምጃ ትክክል እንዳልሆነ በዙሪያቸው ያሉትን ሰዎች ለተቃውሞ እንዲነሳሱ በሚያደርግ መልኩ ሲያወሩ ነበር “ የሚል ነው፡፡ በዋስትና እና ምስክሮች ጉዳይ ላይ ምላሽ ለመስማት ነገ ጠዋት 3 ሰዓት ላይ ቄራ ፍርድ ቤት ይቀርባሉ፡፡