121ኛው የአድዋ ድል በአል በጀርመን ፍራንክፈርት ከተማ በደመቀ ሁኔታ ተከበረ። ዘላለም ደበበ

በአውሮፓውያን የቀን አቆጣጠር ማርች 4 ቀን 2017 በጀርመን ሀገር ፍራንክፈርት ከተማ የሚገኙ የፖለቲካና የሲቪክ ማህበራት በጋራ በመሆን ባዘጋጁት የአድዋ ድል መታሰቢያ ዝግጅት ላይ ከሁሉም እድሜና ፆታ የተውጣጡ ኢትዮጵያውያን በቦታው በመገኘት በጋራ አክብረዋል። ዝግጅቱ ከቀኑ 15:00 ሰዐት ላይ የጀመረ ሲሆን አቶ የወንድወሰን አናጋው ለታዳሚዎቹ የእንኳን ደህና መጣችሁ ንግግር በማድረግ የእለቱ ዝግጅት መጀመሩን አብስረዋል። በመቀጠልም የአድዋ ድልን ምክንያት በማድረግ የተዘጋጀ እጅግ መሳጭ እና ስሜት ቀስቃሽ የሆነ ዶክመንተሪ ፊልም በስክሪን ለታዳሚው ተለቆ የአድዋ ድል የመላው ኢትዮጵያውያን ብሎም የጥቁር ህዝቦች ትልቅ ድል መሆኑ ታይቷል። በማስከተልም የዚህ ታላቅ ድልን የሚዘክሩ እና ተመልካቹን በኩራት ያስፈነደቁ ግጥሞች በጀርመን ሀገር የሚኖሩ ገጣምያን አቅርበው የሻይ እረፍት ተደርጓል። ከእረፍት መልስም ኮንት አንቶኖሊ ከወራሪው የኢጣልያ መንግስት ይዞት የመጣውንና ንግስት ጣይቱ በኩራት ልበሙሉነቷን ያሳየችበትን የውጫሌ ውል አንቀፅ 17 የተመለከተው አርቲስት አለምፀሀይ ወዳጆ በብቃት የተወነችበት ቲያትር ተቀንጭቦ ቀርቦ ለታዳሚው ትልቅ መንቃቃትን ፈጥሯል። በማስከተልም ሀገሩን ለጠላት አሳልፎ የሚሰጥ ባንዳ ዛሬ በወያኔ መንግስት ብቻ ሳይሆን ቀድሞም የነበረ መሆኑን የሚያሳይ በማስረጃ የተደገፈ ፅሁፍ በአቶ ጥላሁን ቀርቦ የእለቱ የመወያያ አጀንዳ የሆነው እና ለውይይት የተመረጠው ፅሁፍ ” የአድዋ ድል በአል ቀጣይነት ኖሮት ለመጪው ትውልድ እንዴት ይተላለፍ? ከእኛስ ምን ይጠበቃል? የተናጠል እንቅስቃሴያችንንስ ወደ አንድ ለማምጣት በውጭ የምንገኝ ኢትዮጵያውያን ምን ማድረግ አለብን?” የሚል የመወያያ ፅሁፍ በወይዘሮ አሳየሽ ታምሩ ቀርቦ መድረኩ ለውይይት ክፍት ሆኗል። ታዳሚዎቹም ኢትዮጵያዊ ጨዋነት በተሞላበት ሁኔታ ድንቅ ውይይት አድርገውበት የእለቱ ፕሮግራም ፍፃሜውን አግኝቷል።
121ኛው የአድዋ ድል መታሰቢያ በአል በፍራንክፈርት ጀርመን March 4, 2017 Part 1

121ኛው የአድዋ ድል መታሰቢያ በአል በፍራንክፈርት ጀርመን March 4, 2017 Part 2

Cameraman and Film Editor Mathewos Fekade Fanta Frankfurt Germany March 4, 2017

Leave a Reply

%d bloggers like this:
Skip to toolbar