Print
Email
0
0
ከሌተናል በቀለ ክንፈ እና ከወ/ሮ ተናኘወርቅ መኮንን ጥቅምት 8 ቀን 1942 ዓ.ም አዲስ አበባ ተወለደች። ሂሩት አባቷን በሞት ያጣችው ገና በልጅነቷ ሲሆን በእናቷ እና በአባቷ ቅድመ አያቷ ነበር ያደገችው።
ለሙዚቃ ፍላጎቷ የጀመረው ገና በልጅነት ነው። ሂሩት በቅርብ ጓደኞቿ ቤት እየዞርች ትዘፍንላቸው ነበር። የድምጽ ችሎታዋን በመስማት ሙዚቃን በቁም ነገር እንድትወስድ እና እንደ ሙያ እንድትቆጥረው ያበረታቷታል እንደነበር በአንድ ወቅት በፖሊስ ኦኬስትራ በአባልነት እንደገባች ገልጣ ነበር። በነዚህ አስተያየቶች በመነሳሳት ሙዚቃን በሙያ ለመከታተል ወሰነች።
ሆኖም ኢትዮጵያ ውስጥ ሙዚቀኛ መሆን ብዙ አሉታዊ ትርጉሞች ስለነበሩ ይህ ጉዳይ ከሴትነቷም ጋር ተያይዞ ገና በልጅነት እድሜዋ ቀደም ብሎ አስቸጋሪ ሆነ።
እንደ ማለዳ ታይምስ ሚዲያ መረጃ መሰረት በ16 ዓመቷ ሂሩት ወደ ጦር ሃይል ኦርኬስትራ (ምድር ጥሩ ኦርኬስትራ) ሄዳ ለድምፅ ውድድር በቦታው ተገኝታ ተወዳድራ ነበር። በውድድሩም አመርቂ ውጤት በማምጣቷ ምክንያት ወደ ሙዚቃው አለም እንድትገባ በር ከፋች የሆነላትም ይህ ውድድር እንደሆነ ይጠቁማል :: የመጀመሪያዋ ዘፈኗ (በ1958) Ye-Hare Shererit የሐር ሸረሪት፣ አውጥታ በወቅቱ በጣም ተወዳጅ ነበር።
በዚያን ጊዜ የፖሊስ ኦርኬስትራ ቡድን አንዲት ጎበዝ ሴት ድምፃዊ ይፈልጉ ነበር፣ እና እሷም በትክክል የሚፈልጉትን ሆና ነበር።
ከዚያም የፖሊስ ኦርኬስትራ እሷን ለማፈን እና ለመደበቅ ሚስጥራዊ ተልእኮ አሴረ። ከሶስት ወራት ከባድ ፍተሻ በኋላ የሰራዊት ሃይል ኦርኬስትራ እሷን ለማግኘት ተስፋ ቆርጦ ፍለጋውን አቆመ።
ከዚያ በኋላ ብቻ የፖሊስ ኦርኬስትራ አባል ሆና ጡረታ እስከወጣችበት ጊዜ ድረስ በሙዚቃ አገልግላለች ። በ 1994 ከመዝናኛ ንግድ እስከ ጡረታ እስክትወጣ ድረስ ለ35 ዓመታት ከፖሊስ ኦርኬስትራ ጋር ቆይታዋ አስደሳች ጊዜ እንደነበራት በህይወት ትዝታዋ ወቅትም ተናግራለች።
ሂሩት እ.ኤ.አ. በ1994 ከመዝናኛ ኢንደስትሪ ራሷን ካገለለች በኋላ፣ ጌታን እንደግል አዳኟ አድርጋ በመቀበል እራሷን ለአዳኛዋ ለጌታ ሰጠች።
ሙሉ ጊዜዋን እና ህይወቷን ለመንፈሳዊ አገልግሎት ሰጥታ ከ28 ዓመታት በላይ በመላ አገሪቱ እና ወደ ውጭ ሀገር በመዞር የኢየሱስ ክርስቶስን ታላቅነት ለክርስቲያን ቤተሰቦቿ እና ስለ ክርስቶስ ላልሰሙት በማወጅ ላይ ነበረች።
ሂሩት በቀለ አዲስ አበባ፣ ኢትዮጵያ ነዋሪ ነበረች። ትጉ ክርስቲያን እና የአዲስ አበባ መሠረት ክርስቶስ ቤተ ክርስቲያን አባል ነች። በምእመናን ዝግጅቷን ስታቀርብ ዘወትር በመሰረተ ክርስቶስ ቤተ ክርስቲያን ባንድ ታጅባለች እንደምታቀርብ የማለዳ ሚዲያ ምንጮች ገልጠዋል ።
* ሂሩት በቀለ የ7 ልጆች እናት፣ የ10 ልጆች አያት እና የ7 ልጆች ቅድመ አያት ነበረችደ
በዘመን ተሻጋሪ ሙዚቃዎቿ የምትታወቀው በብዙ ኢትዮጵያዊያን በዘፈኖቿ የምትወደደው ~ የቀድሞዋ ዘፋኝ፤ የአሁኗ ዘማሪት ሂሩት በቀለ በ80 አመቷ ከዚህ አለም በሞት ተለይታለች::
ሕይወት እንደሸክላን ጨምሮ በርካታ ድንቅ የሙዚቃ ስራዎችን እንካችሁ ያለችው ድምጻዊት ሂሩት በቀለ፣ በአደረባት ህመም በሃገር ውስጥና በውጭ በህክምና ስትረዳ ቆይታ በዛሬው እለት ግንቦት 04 ቀን 2015 ዓ.ም ህልፈተ-ሕይወቷ ተሰምቷል፡፡
ከ1950 መጀመሪያ እስከ 1980ዎቹ መጨረሻ ድንቅ የሙዚቃ ስራዎችን ያስደመጠችን ሂሩት በቀለ ከቅርብ ጊዜ ወዲህ በዘማሪነት/አገልጋይነት ስራዎችን ስትስራ እንደነበር ይታወሳል፡፡
የቀድሞ ድምጻዊት ከዛም ዘማሪት ሂሩት በቀለ በተወለደች በ80 ዓመቷ ነው ከዚህ ዓለም በሞት የተለየችው፡፡
ሂሩት በቀለ የ7 ልጆች እናት፣ የ10 ልጆች አያት እና የ7 ልጆች ቅድመ አያት ነበረች።
ሂሩት በቀለ በ1978 ካቀነቀነችው፦
ሎጋ ቁመናው ተስተካክሎ
***
#ገላዋ
ቅድሜ ጠብቂኝ
ሂሩት በቀለ እና ታደለ በቀለ።
***
አቀበቱን ስወጣ አሻቅቤ
ቁልቁለቱን ስወርድ በሀሳቤ
ረጅሙን መንገድ ስያያዘው
እንደማንገናኝ ልቤ ሲያውቀው
ትኩሱ ፍቅራችንን አስቤ
ተንገበገብኩ በሀዘን ቆስሎ ልቤ !
****
🎼
ሂሩት በቀለ | የፍቅሬ ደሴት ነህ 🎤
የፍቅሬ ደሴት ነህ
በልቤ ዋሻ የከተምክ
አልጣህ እኔ አልችልም
ስስቴን አንተም ታውቃለህ
ሊለየን የማይችል ገፃችን ሆኖ አንድላይ
ግርማ ሞገሴ ነህ አልደምቅም ያላንተ ስታይ
ቁርጠኛ ከሆንክ በል ደህና ሰንብት ብርታት ሰንቅ
የልቤ ንጉስ እንዳትረታ ፍቅርን ታጠቅ
አሳልፈናል የማይረሱ የደስታ ጊዜ
አዲስ ሆነብኝ ወዶ መለየት ክፉ ትካዜ
አሳልፈናል የማይረሱ የደስታ ጊዜ
አዲስ ሆነብኝ ወዶ መለየት ክፉ ትካዜ
ይህን ውብ ዘፈን አበባ ደሳልኝ በድጋሜ ተጫውተዋለች ።
***
አንጋፋዋ ድምጻዊት ሂሩት በቀለ
ሂሩት በቀለ ከ1950ዎቹ መጀመሪያ እስከ 1980ዎቹ መጨረሻ ድረስ በጊዜው ኢትዮጵያ ካፈራቻቸው ጥቂት ስመጥር ሴት ድምፃዊያን መካከል አንዷ እና ተወዳጇ ናት።
እግዚአብሔር ነብስሽን ይማር
ለቤተሰቦቿም መፅናናትን ይስጥ
ዘለአለም ገብሬ.
Average Rating