ምንሊክ ሳልሳዊ = በሃረር ከተማ በተከታታይ በመብራት ሃይል እና በሲጃራ ተራ የደረሱትን የእሳት ቃጠሎዎች ተከትሎ የንግዱ ህብረተሰብ በከፍተኛ ስጋት መዋጡን የተሰበሰቡ መረጃዎች ጠቁመዋል። በዛረው እለት የምንሊክ ሳልሳዊ የሃረር የመረጃ ምንጮች ባደረሱት ሪፖርት እንደሚያስረዳው ሃረርን በእሳት በማጋየት ነጋደውን ከስራ ውጪ በማድረግ ጥቂት የስርአቱ ሰዎች እና አጫፋሪዎቻቸው ንግዱን እና የአከባቢውን አየር ለመቆጣጠር እንዲሁም ቦታውን በመሸጥ በሙስና ለመከፋፈል ያለሙት ደባ ነው ብለዋል።

በሃረር ሸዋ በር አከባቢ ሰብሰብ ብሎ መቆም አልያም የሚንቀሳቀሱ ከባባድ ተሽከርካሪዎችን አተኩሮ መመልከት እንደማይቻል እና ከአከባቢው ሰዎችን በማባረር ስራ ላይ የተሰማሩት የፈደራል ፖሊሶች ህዝቡን እያንገላቱት መሆኑን መረጃዎች ጠቁመዋል። በዛረው እለት በሸዋ በር መንገድ ለትራፊክ ዝግ ሆኖ የዋለ ሲሆን ለ እግረኛ እስከ በላይነህ ህንጻ ድረስ ክፍት የነበረ ሲሆን ከዛ በኋላ ያለው ለእግረኛም ዝግ እንደነበር መረጃዎች ጠቁመዋል። በከባድ መኪና የተጫኑ የነዳጅ ጀሪካኖች እና በርመሎች በስፋት በየገበያ ማእከሉ ውስጥ ባሉ መጋእኖች እየተቀመጡ መሆኑ ለላው የህዝቡ ስጋት ሲሆን በመብራት ሃይል እና በሰልባጅ /ሲጃራ ተራ ከመቃጠሉ በፊት እንዲሁ አይነት የነዳጅ ጀሪካኖችን/በርመሎችን በባት ከነነዳጃቸው በገበያ ማእከሉ ውስጥ በማስቀመጥ ለእሳቱ መባባስ እና ለንብረት መውደም የሃረር ነዋሪዎች መንግስትን ተጠያቂ አድርገውታል።

መረጃዎቹ አያይዘው እንደጠቆሙት በሸዋ በር ውስጥ አንድ የገበያ ቦታ ጀጎልን አስታኮ የተሰራ “የላይኛው ታይዋን ” ተብሎ የሚታወቀው የንግድ ማእከል እጣ ፈንታ የሃረርን ህዝብ ያሳሰበው ሲሆን ይህንን የገበያ ቦታ እንዳያቃጥሉት ከፍተኛ ስጋት አለ። ይህ የገበያ ቦታ በአለም በቅርስነት ከተመዘገበው የጀጎል ግንብን አስታኮ የተሰራ ስለሆነ የገበያውን ቦታ ቢያቃጥሉት የታሪክ ቅርሶች ውድመት ይከተላል የሚል ከፍተኛ ስጋት አለ ። የጀጎል ግንብን እንዳያጠቁረው ምናልባት እንዲፈርስ ትእዛዝ ሊሰጥበት ወይንም ጨለማን ተገን በማድረግ በፖሊስ የታጀበ ዘረፋ ሊያደርጉበት እና ነጋደውን ከገበያ ውጪ ሊያደርጉት ይችላል ሲሉ አንዳንድ የከተማው ነዋሪዎች ተናግረዋል። በዛረው እለት ዋና መወያያ የሆነው ይህ የገበያ ማእከል እጣ ፈንታ ህዝዝቡን ስጋት ላይ የጣለ ሲሆን የፈደራል ፖሊስ በበኩሉ በህዝቡ ደህንነት ላይ ተጽዕኖ ሲያደርግ ውሏል።