Print
Email
0
0
ቴድሮስ ተሾመ ከጠቅላይ ሚንስትሩ በአለ ሲመት ጋር በተያያዘ ተከሰሰ
የሴባስቶፖል ሲኒማ ባለቤት ቴዎድሮስ ተሾመ ሚያዚያ 27 ቀን በአዲስ አበባ ሚሊኒዬም አዳራሽ በተዘጋጀው የውይይትና የጠቅላይ ሚንስትር ዐቢይ አህመድ በአለ ሲመት ልዩ መርሐግብር ኪነጥበባዊ ዝግጅትን እንዲያቀርብ በድርጅቱ ቴድሮስ ፊልም ስራዎች አማካኝነት ከኢትዮጵያ ብሔራዊ ቴአትር ጋር ሚያዚያ 4 ቀን የገባው የ231 ሺህ ብር ውል በውሉ መሰረት ክፍያ ባለመፈፀሙ ቴአትር ቤቱ ያልተከፈለው የውል ገንዘብ ከነወለዱ እንዲከፈለው ግንቦት 14 ቀን በደብዳቤ የተጠየቀ ቢሆንም ፤ ከተከሳሹ ወገን መልስ ባለመገኘቱ ኅዳር 5 ቀን ክስ አቅርቦበት ነበር። በዚህ ቀን ከተከሳሹ መልስ ያላገኘው ቴአትር ቤቱ ጉዳዩን ወደ ፍርድ ቤት ወስዶታል።
የጠቅላይ ሚንስትሩ አብሮ አደግ ጓደኛ የሆነውና ጠቅላይ ሚንስትሩ ደራአዝ በሚል የብዕር ስም የፃፏቸውን መፅሃፍት አሳታሚና አከፋፋይ የነበረው ቴድሮስ ተሾመ ከፍርድ ቤት የተላከለት ደብዳቤ የደረሰው ሲሆን፤ በዚህም መሰረት በፍትሐ ብሔር አንቀፅ ቁጥር 92 መሰረት ክስ ቀርቦበት ታህሳስ 4 ቀን በፌደራል አንደኛ መደበኛ ችሎት ቂርቆስ ክፍለ ከተማ ቅርንጫፍ ፍርድ ቤት እንዲቀርብ ታዟል።
አንዳንድ አርቲስቶች ቴድሮስን “የዐቢይ አህመድ ሰራዊት ፍቅሬ ለመሆን ይሞክራል” በማለት ያሙታል።
ለማንኛው ጉዳዩ በህግ ስለተያዘ ውሳኔውን በቅርብ የምንሰማው ይሆናል።
Average Rating