ምንጮች እንዳሉት አዲሱ ጠቅላይ ሚኒስትር ሥራቸውን እያካሄዱ ያሉት፤ በጠቅላይ ሚኒስትሩ ጽህፈት ቤት ቅጥር ግቢ ውስጥ በተዘጋጀላቸው ጊዜአዊ ቢሮ ሆነው ነው።

ጠቅላይ ሚኒስትር ሀይለማርያም ደሳለኝ ላለፉት አምስት ሣምንታት ብስራተ-ገብርኤል ከሚገኘው መኖሪያ ቤታቸው ወደ አራት ኪሎ እየተመላለሱ ለመሥራት መገደዳቸው፤የብዙዎችን ትኩረት ስቦ መቆየቱ ይታወሳል።

ለዚህም ምክንያቱ የቀድሞዋ ቀዳሚት እመቤት አዜብ መስፍን ቤተመንግሥቱን ለቅቀው ለመውጣት ፈቃደኛ አለመሆን እንደነበረ፤ በተደጋጋሚ መዘገባችን አይዘነጋም።

አንድ የኢትዮጵያ መሪ ከቤተመንግሥት ውጭ ሲኖር፤ አቶ ኃይለማሪያም የመጀመሪያው ናቸው።

ዘግይቶም ቢሆን ወይዘሮ አዜብ ቤተ-መንግስቱን በመልቀቃቸው ጠቅላይ ሚኒስትር ሀይለማርያም ደሳለኝና ቀዳማዊ እመቤት ሮማን ተስፋዬ ከሦስት ሴቶች ልጆቻቸው ጋር በ አቀባበል ታጅበው እሁድ ዕለት ቤተ-መንግስት ገብተዋል።

ከአስር ቀናት በፊት ቤተ-መንግስቱን የለቀቁት ወይዘሮ አዜብ መስፍንም ወደተዘጋጀላቸው መኖሪያ ቤት መግባታቸው ተገልጿል።

አንድ የኢትዮጵያ መሪ ከቤተመንግሥት ውጭ ሲኖር፤ አቶ ኃይለማሪያም የመጀመሪያው ናቸው።